وش رأي اللاعبين عنك في كمّلنا؟ ميزة الانطباعات وصلت!

يا هلا بك في كملنا

الحين صار بإمكانك تترك بصمتك في الملفات الشخصية لأخوياك واللاعبين، وتعرف وش انطباع الناس عنك! أطلقنا ميزة "انطباعات اللاعبين"، وهي الطريقة اللي بتخلي ملفك الشخصي يتكلم عنك وعن نظرة الناس لك في مجتمعنا.

كيف ترسل انطباع؟

الموضوع بسيط وما يبي له تعقيد :

1. ادخل على الملف الشخصي لأي لاعب.

2. اضغط على زر "أرسل انطباعك".

3. اختار الانطباع اللي يناسبه من القائمة (القادح، الهامور، المحزم، الأسطورة، الرهيب، وجه السعد، الشنب، الطيار، الشيخ).

4. أرسل .. وبتوصله بلحظتها وتزيّن ملفه!

طيب وش انطباع الناس عنك؟

وعشان تعرف علومك عند الناس، ادخل على ملفك الشخصي وبتلقى قسم الانطباعات. هناك تقدر تشوف :

• وش هي الانطباعات اللي وصلتك وكم عددها.

• قائمة "الداعمين" اللي أرسلوا لك ومين اللي أرسل أكثر.

من انطباع.. إلى لقب! 

في حال أنك جمعت عدد 70 من نفس الانطباع، راح يتحول تلقائيًا ويكون لقب وتقدر تظهره في أعلى ملفك الشخصي قدام الكل. يعني لقبك ما تجيبه بنفسك، الناس هي اللي تحدد لقبك وتثبته لك!

وش تنتظر؟ ادخل كملنا الآن، مرّ على أخوياك وعطهم الانطباع اللي يستاهلونه، وخلنا نشوف من اللي بيثبت لقبه أول!