في كمّلنا، نعرف إن اللعب مو مجرد فوز وخسارة، اللعب "تاريخ" تسطره على الطاولة ومكانة تبنيها بين اللعيبة. عشان كذا، قررنا نودع نظام الإنجازات القديم، ونطلق نظام جديد كلياً يقلب الموازين، ويكافئ اللعيب الصح اللي يتعب على حسابه.
إذا كنت تحسب إنك ختمت اللعبة.. فكر مرة ثانية!
وش الجديد في نظام الإنجازات؟
- التحدي ما يوقف (مستويات متدرجة) : في النظام القديم، كنت تجيب الإنجاز مرة وحدة ويزيد العداد عندك وخلاص! الآن، الإنجازات صار لها "مستويات"، كل ما تختم مستوى، تفتح لك اللعبة المستوى اللي بعده بتحدي أصعب، يعني التحدي مستمر والحماس ما يوقف.
- شكل جديد يعكس كل مستوى : مو كل الإنجازات زي بعض! عشان نميز النادرين، الإنجازات الحين تتدرج في صعوبتها وشكلها: تبدأ من (العادي)، وتمر بـ (النادر)، وتوصل للـ (الأسطوري). الإنجاز الأسطوري ماراح تلقاه عند أي أحد، وإذا حققته وصار في حسابك .. تأكد إن الخصوم بيحسبون لك ألف حساب قبل تبدأ الصكة!
- نقاط الإنجاز، مقياس احترافك الجديد : كل مستوى تقفله في أي إنجاز بيعطيك عدد من "نقاط الإنجاز". هذي النقاط تتجمع في ملفك الشخصي وتصير هي الرقم اللي يختصر مسيرتك كل ما زادت نقاطك، زاد حسابك هيبة وصار أثقل في التطبيق.
- شريط التقدم! خلك على بيّنه : عشان تعرف وين أنت بالضبط، ضفنا لك "شريط تقدم" تحت كل إنجاز في ملفك الشخصي. هذا الشريط يوضح لك مستواك الحالي، وكم باقي لك من المهام عشان تقفل التحدي الجاي وتكسب نقاطه.
جاهز للتحدي🏆؟
ادخل ملفك الشخصي الحين، وشيّك على التغييرات الجديدة!
